काठमाडौँ उपत्यकामा ५३ जनामा देखियो कोरोना संक्रमण

July 28, 2020 Views: 574

काठमाडौँ । काठमाडौँ उपत्यकामा पछिल्लो २४ घण्टामा थप ५३ जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मंगलबारको नियमित प्रेस ब्रिफिङमा मन्त्रालयका प्रवक्ता डा जागेश्वर गौतमले काठमाडौंका ४८ जना, भक्तपुरमा १ र ललितपुरका ४ जनामा कोरोना संक्रमण पुष्टि भएको बताए । यासँगै उपत्यकामा संक्रमितको संख्या ४७६ पुगेको छ ।

नेपालमा पछिल्लो २४ घण्टामा ३११ जनामा संक्रमण पुष्टि भएको छ भने १२१ जना निको भएका छन् ।

यस्तै, प्रवक्ता गौतमकाअनुसार उपत्यका प्रवेश गर्ने मुख्य नाका थानकोट, फर्पिङ र साँगाबाट स्वाब संकलन गर्न सुरु गरिएको छ । मंगलबार अपरान्ह चार बजेसम्म ती नाकाबाट ४ हजार ८ सय १३ जनाको स्वाब संकलन गरिएको छ । मन्त्रालयले फर्पिङ नाकाबाट ९ सय ५५, थानकोट नागढुंगाबाट २ हजार ९ सय १४ र साँगाबाट ९ सय ४४ जनाको स्वाब संकलन गरेको हो ।