विराट नर्सिङ होमका ३ डाक्टर र ५ नर्सलाई कोरोना

इटहरी । विराटनगरको विराट नर्सिङ होममा कार्यरत ३ स्वास्थ्यकर्मीसहित ७ जनामा मंगलबार कोरोना संक्रमण पुष्टि भएको छ ।
संक्रमित हुनेमा २ जना चिकित्सक, एक जना नर्स, २ जना कर्मचारी, १ जना कामदार र १ जना अस्पताल सञ्चालकको घरमा काम गर्ने व्यक्ति रहेका विराटनगर महानगरपालिकाको स्वास्थ्य महाशाखाले जानकारी दिएको छ ।
एक हप्ताबीचमा यो अस्पतालमा कार्यरत १२ जनामा कोरोना संक्रमण पुष्टि भएको छ । यसअघि नै अस्पताल सञ्चालकसमेत रहेका चिकित्सक र ४ जना नर्समा कोरोना संक्रमण पुष्टि भएको थियो । विराटनमा अहिलेसम्म ३ जना चिकित्सक, ५ नर्स र अरु कर्मचारी गरी १२ जना संक्रमित भइसकेका छन् ।
यो अस्पतालमा पहिलो पटक गत बुधबार अस्पताल सञ्चालकसमेत रहेका एक चिकित्सकमा कोरोना संक्रमण पुष्टि भएको थियो । स्वाब दिँदा सही नाम, ठेगाना र सम्पर्क नम्बर नदिएका उनको पहिचान प्रयोगशाला रिपोर्ट आएको ३८ घण्टापछि मात्र खुलेको थियो ।
त्यसपछि अस्पतालमा उनीसँग सम्पर्कमा आएकाहरुको परीक्षण गर्दा आइतबार ४ जना नर्समा संक्रमण पुष्टि भएको थियो ।
मंगलबारसम्म विराटनगर महानगरपालिकामा कोरोना संक्रमितको संख्या ८६ पुगेको छ । तीमध्ये ५६ जना पछिल्लो एक सातामा संक्रमण पुष्टि भएकाहरु रहेको महानगरपालिका स्वास्थ्य महाशाखा प्रमुख रमेश कार्कीले जानकारी दिए ।
Similar Post You May Like
-
भ्रष्टाचार मुद्दामा दाेषी ठहरिएका एसपी रामेश्वरप्रसाद यादव २ कराेड ५० लाखकाे चेक लिएर फरार
काठमाडौ । २ कराेड ५० लाखकाे चेक लिएर भ्रष्टाचार मुद्दामा
-
“जनयुद्धको बलबाट नै मुलुकको राजनीतिक व्यवस्था परिवर्तन भएकाे हाे” : नेता बस्नेत
काठमाडौ । अनेरास्ववियू (क्रान्तिकारी) बानेश्वर बहुमुखी क्याम्पस समितिकाे आयोजनामा २८ औं
-
विवाद बीच हिमाल शर्मा कार्यक्रममा सहभागी भएको भन्दै हिमाल शर्मा विरुद्ध सामाजिक संन्जालमा विरोध !
काठमाडौ । अनेरास्ववियू(क्रान्तिकारी)ले उपत्यका विशेष प्रदेशले आयोजना गरिएको स्वबियु केन्द्रित