इटहरी पुन: लकडाउन

August 4, 2020      Views: 126  

काठमाडौं । इटहरी उपमहानगरपालिकाले बुधबारबाट लागू हुने गरी पाँच दिन लकडाउन गर्ने निर्णय गरेको छ। कोरोना संक्रमणको जोखिम बढेकाले इटहरी बजार लगायत पूरै उपमहानगरपालिका क्षेत्र लकडाउन गरिने भएको मेयर द्वारिकालाल चौधरीले जानकारी दिए।

१ सय ८ जनाको परीक्षण गर्दा ८ जनाको पोजेटिभ देखिएको छ। त्यसमा तीन जना नगरपालिकाका कर्मचारी पनि छन्। त्यसैले संक्रमण नफैलियोस् भनेर लकडाउन गर्ने भनिएको हो, उनले भने।

मेयर चौधरीले बुधबारबाट अत्यावश्यक सेवा बाहेक सबै क्षेत्र बन्द हुने जनाए। उनले लकडाउनको अवधिमा परीक्षण पनि बढाइने बताए।
यसअघि पनि उपमहानगरपालिकाका एकजना इन्जिनियरलाई संक्रमण पुष्टि भएको थियो।
पछिल्लो समय विभिन्न स्थानीय तहहरूले संक्रमणको जोखिम बढेको भन्दै निषेधज्ञा र लकडाउन गरिरहेका छन्। विराटनगरमा दुई साताको लकडाउन जारी छ।

Similar Post You May Like