‘माओवादी पार्टीअरुजस्तो होइन भन्ने सावित गर्नुछ’ : अध्यक्ष प्रचण्ड

November 4, 2021      Views: 102  

काठमाडौ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले समाजवादी क्रान्तिको रणनीति लागू गर्न माओवादी केन्द्रलाई क्रान्तिकारी पार्टी बनाई छाड्ने संकल्प पार्टीले लिएको बताएका छन् । बिहीबार नेपाल संवत् ११४२ तथा नेपाली चाडपर्वको उपलक्ष्यमा नेवा स् मुक्ति मोर्चाले ललितपुरमा आयोजना गरेको शुभकामना आदानप्रदान कार्यक्रमलाई सम्बोधन गर्दै अध्यक्ष प्रचण्डले पार्टीले त्यस्तो संकल्प लिएको बताएका हुन् ।

‘हामीले फेरि एकपटक उत्पीडित वर्ग समुदायका मुद्दा र समाजवादी क्रान्तिको रणनीतिलाई लागू गर्न नयाँ ढंगको क्रान्तिकारी पार्टी बनाइछाड्ने संकल्प गरेका छौ । त्यसको निम्ति जरुरी पर्छ भने जस्तोसुकै आन्दोलन गर्न पनि पछि नपर्ने संकल्पमा पार्टी छ’, प्रचण्डले भने, ‘हामीलाई विश्वास छ, सबै उत्पीडित वर्ग समुदायले फेरि एकचोटी पार्टीले लिएको नयाँ संकल्प र पार्टीलाई समाजवादी क्रान्तिको दिशातिर लागिछाड्ने प्रतिबद्धतामा साथ, समर्थन र सहयोग रहन्छ भन्ने विश्वास व्यक्त गर्न चाहान्छु ।’

पूर्व प्रधानमन्त्री समेत रहेका प्रचण्डले पछिल्लो समय पहिचान र अधिकारका मुद्दा शिथिल हुन थालको स्वीकार्दै माओवादीले पनि त्यस्ता मुद्दा छोड्न थालेको हो कि रु अरु पार्टी जस्तै बन्ने होकी भनेर जनतामा चिन्ता पलाएको आफुले महशुस गरेको बताए ।

उनले पहिचान र अधिकारको आन्दोलन शिथिल भएको बुझेर नै पार्टी बैठकबाटै राज्यका निकायमा महिला, दलित, युवा लगायतलाई प्राथमिकता दिएको बताए । ‘त्यही निर्णयअनुसार ६ जनामा ३ जना महिला मन्त्री बनाएको हो हामीले । पहिला गल्ती भयो भनेर रियलाइज भएपछि’, प्रचण्डले भने ।

प्रचण्डले माओवादी पहिचानका मुद्दामा शिथिल हुनुमा विचारधारामा छलफलको कमी र वैचारिक अस्पस्टताले भन्दै माओवादीले विचारलाई परिमार्जन गर्न राष्ट्रिय सम्मेलन आयोजना गर्न लागेको बताए । ‘माओवादी अरु पार्टीजस्तो होइन भन्ने सावित गर्नुछ । शिथिल हुँदा प्रतिक्रियावादीले कसरी टाउको उठाउँदा रहेछन् भन्ने देखियो, परिवर्तन उल्ट्याउन र प्रतिक्रान्ति गर्न खोज्दा रहेछन् । त्यो देखेर हामी झस्क्यौँ र सडकमा पनि गयौँ’, प्रचण्डले संसद विघटनपछिको घट्ना स्मरण गरेका थिए ।

 

Similar Post You May Like